زموږ ټیم په افغانستان کښی

ښاغلۍ برونو لمارکي په افغانستان کي د ملګرو ملتونو د سرمنشي ځانګړي استازي مرستیال، استوګن او بشري چارو همغږي کوونکي په توګه، د ۲۰۲۶ کال د جون په ۱۶مه نیټه خپله دنده پیل کړه.

ښاغلی لمارکي د ملګرو ملتونو په سیستم کې د مشري بیلابیلې تجربې لري، چې په دې وروستیو کې د کانګو په دیموکراتیک جمهوریت کې د ملګرو ملتونو د سوله ساتي ماموریت (مونوسکو) لپاره د سرمنشي د ځانګړي استازي مرستیال او په دې هېواد کې د استوګن او بشري چارو همغږي کوونکي په توګه له ۲۰۲۲ څخه تر ۲۰۲۶ کلونو پورې دنده ترسره کړې.

له دې وړاندې، نوموړي په هایتي هیواد کې د ملګرو ملتونو په سیاسي دفتر (BINUH) کې د سرمنشي د مرستیال ځانګړي استازي او د استوګن او بشري چارو همغږي کوونکي په توګه (۲۰۲۰-۲۰۲۱) دنده ترسره کړې ده.

ښاغلي لمارکي د ملګرو ملتونو د پراختیايي پروګرام یا UNDP د بحران په دفتر کې د مرستیال او مرستیال رییس په توګه دندې ترسره کړي، او همدارنګه یې د نوموړي اداري د بحران مخنیوي او بیا رغونې په دفتر کې په بیلابیلو پوسټونو کار کړی دی او په دې موده کې یې د سومالیا، هایتي، اشغال شوي فلسطیني سیمو او کمبوډیا په څیر هیوادونو ته سیمه ییز سفرونه کړي دي.

په ۱۹۹۲ کال کې له ملګرو ملتونو سره د یوځای کیدو د مخه، هغه په هایتي او ایتوپیا هیوادونو کې د یوې نړیوالې غیردولتي موسسې سره کار کاوه. ښاغلی لمارکي د فرانسې د مونټپیلیر ښار د استوایی مطالعاتو ملي مرکز څخه د استوایی کرنې په برخه کې د انجینیرۍ سند لري. د خپلې مورنۍ ژبې فرانسوي سربیره، هغه په انګلیسي ژبه هم روانې خبرې کوي.

ډاکټر تاج الدین اویوایلې د ۲۰۲۴ کال په مارچ میاشت کې د افغانستان لپاره د یونیسف د استازي په توګه خپله اوسنۍ دنده پیل کړه.
تر دې وړاندې، ډاکټر اویوایلې په زیمبابوې او تر هغې وړاندې د کانګو په دیموکراتیک جمهوریت کې د یونیسف استازی و او همدارنګه یې په پاکستان او د کانګو په دیموکراتیک جمهوریت کې د یونیسف د استازي د مرستیال په توګه دنده ترسره کړې چیرې چې هغه د یونیسف د پروګرام او بشردوستانه کړنو د مشرۍ په ګډون د عامې روغتیا بېړني حالت، او د حکومت، بسپنه ورکوونکو، ملګرو ملتونو ادارو، خصوصي سکتور او د مدني ټولنې سازمانونو سره ملګرتیا او د ملګرو ملتونو ماموریت سره همغږي کوله.
هغه د نیویارک په مرکزي دفتر کې د یونیسف د مرستیال اجراییوي مشر (DED) په دفتر کې د اجراییوي مدیر په توګه دنده ترسره کړې، د یونیسف د نړیوال مدیریت په اصلاحاتو کې یې ونډه اخیستې او د سازمان په بېلابېلو برخو کې یې د مشرتابه ډېرۍ دندې ترسره کړې دي، لکه په نیویارک کې د یونیسف د پروګرام څانګه، او همدارنګه په بنګله دېش، اندونیزیا او نایجیریا کې.
له یونیسف سره د یوځای کېدو مخکې هغه د لاګوس پوهنتون تدریسي روغتون (LUTH) او د نایجیریا په لاګوس کې د EKO Limited روغتون کې د ډاکټر په توګه کار کاوه.
نایجیریایی ډاکټر اویوایلې، د نایجیریا د لاګوس پوهنتون څخه د طب او جراحۍ برخه کې لیسانس (MB؛ BS)، او د سویلي افریقا له پوهنتون څخه د عامې روغتیا د ماسټرۍ (MPH) سند او به روغتیایي مطالعاتو (د میندو روغتیا) کې د دوکتورا (DLitt et Phil) سند لري. دغه راز هغه د امریکا د هارورډ عامې روغتیا له ښوونځي څخه د روغتیا او بشري حقونو، د لندن د حفظ الصحې او ګرمو درملو ښوونځي څخه د روغتیايي او مالي پالیسۍ سند او د انګلستان له اکسفورډ پوهنتون څخه د ماشومانو لپاره د عامه تمویل په برخه کې د روزنې سندونه لري.
ډاکټر اویوایلې واده کړی او ماشومان لري، هغه د ګلف لوبه او مطالعه خوښوي، او په څو خپرونو کې یې لیکنې خپرې شوې دي.

میرمن اسټیفیني لوس په افغانستان کې د ملګرو ملتونو د بشري استنوګنځایونو د ادارې مشره ده، چې د ۱۴۰۳ کال د تلی میاشت کی یی خپله دنده پیل کړه. نوموړې له ۲۵ کالو څخه زیاته تجربه په افریقا او اروپا کې لري، هغه د ښاري پلان جوړونې او بشري همغږۍ په برخه کې د پراخې پوهې او مهارتونو په لرلو سره یو مسلکي متخصصه ده. سټیفیني په کال ۱۳۷۷ د دلوی میاشت کی د آلمان په هیواد کې د انجینری او ښاري پلان جوړونکي په توګه د خپل مسلکی ژوند لمړی دنده پیل کړه او په پرمختیایی او بشردوستانه برخو کی یی خپل مثبت اغیز رامنځته کړو.

د دی موقف مخکی، سټیفینی د مهاجرینو لپاره د ملګروملتونو عالی کمیشنری (UNHCR) سره د پیاوړتیا او دوامدارحل لارو چارو په برخه کې د کډوالو د عمومي څانګی د ارشد افیسری په توګه دنده ترسره کړې، او همدارنګه په JIPS کې د دوامداره حل لاری چاری د پالیسۍ د لوړ پوړي سلاکاری په توګه د۱۳۹۴ څخه تر ۱۴۰۰ پوری د نړیوالو حل لارو په دیپارتمنت کی د ملګرو ملتونو د بشري استنوګنځایونو ادارې سره په بورکینا فاسو هیواد کې د وګړو د میشته کیدو او تخنیکی مشاوری په توګه په مختلفو موقفونو کی کار کړی. د خپل کار په جریان کې هغی تل د سولې د ترلاسه کولو لپاره د بشردوستانه او پرمختیایي پروګرامونو د همغږۍ او ارتباط لپاره کمپاین کړی، دا په هغو هیوادونو کې د لارښود وسیلو او عملیاتي پروژو پراختیا هم رامینځته کړې چې ښارونو ته د اتباعو پراخه مهاجرت لري (جبري یا داوطلبانه).

سټیفیني د ملګرو ملتونو د جینوا په دفتر UNOG کې د پروګرامونو د مدیریت د افیسری، دTalking About Public Relations اجرایوی مدیری، د SIAT GmbH لپاره د عامه اړیکو د رییسی، او په مختلفو مهندسی دفترونو کی د مهندسی او ښاري پلان جوړونکي په حیث مختلفی دندی ترسره کړي.

اسټیفني د مهندسی، ښاري پلان جوړونې، او انجینری په برخه کې ډیپلومه لري او لیواله ده چې د افغانستان د ښاري پراختیا د اهدافو د ملاتړ لپاره د خپلو مهارتونو او پوهې په کارولو سره دا ډاډ ترلاسه کړي چې ټول وګړي یو خوندي او باثباته چاپیریال ته لاسرسی ولري.

ښاغلی اندرو کرک ووډ په افغانستان کې د ملګرو ملتونو د پروژوي خدمتونو دفتر (UNOPS) مشر او سرپرست استازی دی. نوموړي له ۲۰۲۱ کال راهیسې په جنوا کې د UNOPS د دفتر د رئیس په توګه دنده ترسره کړې او د نړیوالو پروګرامونو او کوربه‌توب شویو مشارکتونو د یوې لویې مجموعې مشري یې پر غاړه لرلې ده.

اندرو تر دې وړاندې له ۲۰۱۷ څخه تر ۲۰۲۱ کال پورې په میانمار کې د UNOPS د رئیس او استازي په توګه او له ۲۰۱۱ څخه تر ۲۰۱۷ کال پورې د معیشت او خوراکي خوندیتوب صندوق (LIFT) د رئیس په توګه دنده ترسره کړې ده. نوموړي له UNOPS سره تر یوځای کېدو وړاندې، په میانمار، ایتوپیا او بورکینافاسو کې د ماشومانو ساتنې (Save the Children) سازمان سره په بېلابېلو لوړپوړو مدیریتي بستونو کې کار کړی دی.

اندرو په نړیواله پراختیا کې له ۳۰ کلنې تجربې سره، خپله کاري دوره په انګولا کې د عامې روغتیا او زیربناوو په برخه کې پیل کړه. نوموړی په نړیوال کلیوالي پراختیا پلان جوړونه کې د ماسټرۍ سند او په میخانیک انجینرۍ کې د تطبیقي علومو لیسانس لري.

ښاغلی چکوکو د افغانستان او پاکستان د څو هېوادونو دفتر لپاره د ایچ آی وي/ایدز سره د ملګرو ملتونو د مبارزې ګډ پروګرام (UNAIDS) د هېواد په کچه رئیس دی. نوموړی په عامې روغتیا او ټولنیزې-اقتصادي پرمختیا کې څه دپاسه دوه لسیزې کاري تجربه لري. هغه له خپلې اوسنۍ دندې مخکې د پروګرام څانګې د ستر سلاکار په توګه دنده ترسره کړې، چې هلته یې د هېواد، سیمې او نړۍ په کچه د ایډز پر وړاندې د ملګرو ملتونو سیستم د پراخې او بشپړې مبارزې په برخه کې د پام وړ مرسته او همکاري کړې ده.

ښاغلي چکوکو له UNAIDS سره د ۱۲ کاله کار په موده کې په رونډا او مالاوي کې د سټراټیژیکو معلوماتو سلاکار، د پانګونې او مؤثریت سلاکار او په یوګانډا کې د PEPFAR/Global Fund سلاکار په توګه دندې ترسره کړي دي. نوموړي په یوګانډا کې د کار پر مهال د UNAIDS د هېواد په کچه دفتر مشري هم کړې او په یاد هېواد کې یې د ایډز له منځه وړلو لپاره د ولسمشر د چټک تعقیب نوښت له لارې د ایچ آی وي خدمتونو د زیاتې کارونې لپاره د ډله ایز انسجام او پوهاوي له لارې د ایچ آی وي مبارزې لا پیاوړې کولو په موخه د ولسمشر دفتر سره هم کار کړی دی. ښاعلي چکوکو د ملګرو ملتونو سره تر کار دمخه، د ایچ آی وي او ایډز، احصائیې، څارنې او ارزونې، څېړنې او د پروګرام مدیریت په برخو کې د لوړې کچې بیلا بیلې مدیریتي دندې سرته رسولې دي.

ښاغلی چکوکو په مالاوي پوهنتون کې په اقتصاد او احصائیه کې د لسانس او د انګلستان د لیورپول په پوهنتون کې په عامې روغتیا (اپیډمیولوژي) کې د ماسټرۍ تر کچې زده کړې کړي دي. نوموړي همدار راز په هسپانیه کې د پامپي فبرا پوهنتون د بارسلونا د مدیریت څانګې څخه په طبي اقتصاد او درملو مدیریت اقتصاد کې دویمه ماسټري هم کړې ده. ښاغلی چکوکو د مالاوي هېواد اوسېدونکی دی او په انګلیسي، چیوایي او لومړنۍ فرانسوي ژبو خبرې کوي.

ښاغلۍ جان ایلیف د ۲۰۲۵ کال په می میاشت کې د افغانستان لپاره د WFP استازي او د هیواد د رئیس په توګه خپله دنده پر غاړه واخیسته.

د هغه د ټاکل کیدو دمخه، جان په ۲۰۲۴ کال کې د سوډان د کړکیچ لپاره د WFP د سیمه ایز بیړني همغږي کوونکي په توګه دنده ترسره کوله. له هغی دمخه، هغه د آسیا او آرام سمندر لپاره سیمه ایز رئیس و، چې د ۳ ملیارد امریکایي ډالرو په ارزښت عملیات یې څارل او نږدې ۳۰ میلیون خلکو سره یې مرسته کوله.
جان په بشري او پرمختیایي محیطونو کې د لسیزو ستراتیژیک مشرتابه په درلودو، او په نازکو اوشخړو څخه اغیزمنو ځایونو کې د WFP سره د کار د ۳۰ کلونو څخه ډیره تجربه لري. له ۲۰۰۳ راهیسې، هغه په WFP کې په مهمو پوستونو دندی ترسره کړي او د نړۍ په ځینو خورا ننګونکو عملیاتي چاپیریالونو کې یې اغیزمنې مرستی مدیریت کړي. جان له ۲۰۱۷ څخه تر ۲۰۱۹ پورې د بشري سرچینو رئیس په توګه پدی سازمان کې د بدلون او اصلاحاتو د پروسې مشري پرغاړه درلوده. د رهبري په سطحه نورې دندی چې جان تر سره کړي عبارت دي له ایتوپیا کې د WFP استازی او د هیواد رئیس (۲۰۱۵-۲۰۱۷)، د آسیا لپاره د سیمه ایز رئیس مرستیال (۲۰۱۰-۲۰۱۵)، په بنګله دیش کې د WFP استازی او د هیواد رئیس (۲۰۰۸-۲۰۱۰)، د بیړنیو حالاتو رئیس (۲۰۰۶-۲۰۰۷) او په بروکسل کې د اروپایي کمیسیون د اړیکو دفتر د رئیس (۲۰۰۳-۲۰۰۶) په توګه.

جان په مستقیم ډول د WFP لخوا د یو شمیر مهمو او په لوړه کچه بشري عملیاتو کې ښکیل و چې ځیني یې عبارت دی له: افغانستان (۲۰۲۱-۲۰۲۲)، میانمار (۲۰۲۱-۲۰۲۴)، د ایتوپیا د ال نینو وچکالۍ غبرګون (۲۰۱۵-۲۰۱۶)، د افریقا بحران (۲۰۱۱)، لبنان (۲۰۰۶)، د هند سمندر سونامي (۲۰۰۴-۲۰۰۵)، عراق (۲۰۰۳)، افغانستان (۲۰۰۱) او د لویو جهيلونو سیمه ایز بحران (۱۹۹۴-۲۰۰۱).
جان د برتانیا تابعیت لري او د انګلستان د کیمبرج پوهنتون څخه یې په عصري او منځنیو پیړیو ژبو کې ماسټري لري.

ایمي مارټین د ۲۰۲۵ کال په اګست کې د افغانستان لپاره د اوچا د استازې او د عمومی مشرې په توګه خپله دنده په غاړه واخیسته، مخکي له دي، هغې په مالي هیواد کې د اوچا د دفتر د مشرې په توګه دنده ترسره کوله.
ایمي د بشرپالني او پرمختیایي شرایطو کې د لسیزو ستراتیژیک مدیریت تجربه راوړې– په حساسواوله شخړواغیزمن چاپېریال کې د پراخه کار په ګډون - په بشرپالني او پرمختیایي کارونو کې د ۳۰ کلونوڅخه ډیره تجربه لري . له ۲۰۱۰ راهیسې هغه د هایټي د زلزلې، د افریقا د ښکر د وچکالي، او په راخین ایالت کې د طوفان کومین په ګډون په مختلفو بیړنیو شرایطو کې ښکیله ده.
ایمي د متحده ایالاتو تبعه ده او د میساچوسټس په ورسیسټر کې د کلارک پوهنتون څخه د تاریخ او نړیوالو اړیکو په برخه کې سند لري او هغه په فرانسوي او انګلیسي ژبو روانې خبرې کولای شي

ډاکټر اډوین سینیزا سلواډور د ۲۰۲۴ کال د جولای په ۱۵ نېټه په افغانستان کې د روغتیا نړیوال سازمان (WHO) د دفتر د مشر په توګه وټاکل شو. نوموړي تر دې وړاندې دوه نیم کاله د هند په نوي ډهلي ښار کې د سویل ختیځې اسیا لپاره د روغتیا نړیوال سازمان د بیړنیو پروګرامونو د مسوول په توګه دنده ترسره کوله.

ډاکټر سلواډور له ۲۰۱۹ کال څخه تر ۲۰۲۱ کال پورې په شمالي کوریا کې د روغتیا نړیوال سازمان د دفتر د مشر په توګه کار کړی دی. تر دې مخکې نوموړی څلور کاله په بنګلدیش کې د روغتیا نړیوال سازمان د دفتر مرستیال مشر په توګه دنده ترسره کړې ده. د ۲۰۱۷ کال په اګست میاشت کې د بنګلدیش کاکس بازار ته له میانمار څخه د روهینګي کډوالو د لومړنۍ جوپې راتګ په لړ کې، ډاکټر سلواډور د کړکیچ پيښو د مدیریت د منیجر په توګه وټاکل شو. د هغه دنده دا وه چې کډوالو ته د روغتیا نړیوال سازمان د لومړني غبرګون رهبري او د غبرګون لپاره د بنګلدیش حکومت او روغتیا وزارت د هڅو ملاتړ په موخه یو فرعي دفتر جوړ کړي.
د روغتیا نړیوال سازمان (WHO) سره د ډاکټر سلواډور کاري مزل په ۲۰۰۶ کال کې هغه مهال پیل شو کله چې نوموړی په سوډان کې د روغتیا د نړیوال سازمان دفتر له لوري ددغه هیواد سویلي کردفان (South Kordofan) ولایت مرکز کادوګلي (Kadugli) لپاره د روغتیا افسر په توګه وټاکل شو. نوموړي په میانمار، سریلانکا او نیپال کې د روغتیا نړیوال سازمان له دفترونو سره د مشرتابه په بیلابیلو برخو کې کار کولو ته دوام ورکړ. ډاکټر سلواډور ته، کله چې نوموړی په نیپال کې و، په ۲۰۱۵ کال کې په دغه هیواد کې د رامنځته شوې زلزلې غبرګون ته د هغه د ونډې له امله، د روغتیا نړیوال سازمان د ۲۰۱۶ کال غوره جایزه ورکړل شوه.


د ورغتیا نړیوال سازمان سره له یوځای کیدو دمخه، ډاکټر سلواډور د ۷ کلونو لپاره په بیلابیلو افریقايي او اسیايي هیوادونو کې د میډیسن سنس فرنټیر(Medécins Sans Frontières)، او د ۳ کلونو لپاره په برونډي او یوګاندا کې د میډیکل کورپس نړیوالې ادارې (International Medical Corps) سره کار کړی دی.

ډاکټر سلواډور چې له ۲۸ کلونو راهیسې د عامې روغتیا برخې متخصص دی، د بیړنیو حالاتو په برخه کې بډایه او پراخه تجربه لري. ددې ترڅنګ نوموړی د اړیکو، مفاهمې او د روغتیا نړیوال سازمان د اداري او مدیریتي پروسو په اړه ښه مدیریتي پوهه هم لري.

داکټر سلواډور د فیلپین په مانیلا ښار کې زیږیدلی دی او د یاد هیواد د سیبو درملو انسټیټیوټ (Cebu Institute of Medicine) څخه یې خپل طبي سند ترلاسه کړی دی. نوموړی همداراز د طبي تکنالوژۍ په برخه کې د لیسانس سند هم لري، ددې ترڅنګ ښاغلي سلوارډور د بریټانیا له لیورپول پوهنتون څخه د ماسترۍ سند اخیستی دی.

ښاغلی محمدي د برنامې او پروژې مدیریت مسلکي او پوه شخص دی چې د ماسټرۍ سند سره د مدیریت او معلوماتو سیسټمونو باندې متمرکز دی چې د جګړې وروسته هیوادونو کې د برنامې مدیریت کې اوږدمهاله تجربه او سیمه ایز پرمختګ او روابط لري. هغه په پروژ او برنامو سره په پراختیایی پروسو کې له ۲۵ کلونو ډیر کاري تجربه لري.
د UNCTAD سره یوځای کیدو دمخه، رضا د UNOPS سره کار کولو تجربه لري او د ملکي کارمند په توګه د حکومت کې هم د کار تجربه حاصله کړی.

ښاغلي ریچارډ ټرینچارډ په بشردوستانه، بحراني او پرمختیایي برخو کې ۲۵ کلنه تجربه لري. هغه د املاکو او شتمنۍ د سکتور متخصص دی او په دې برخه کې تخنیکي تجربه هم لري. هغه په دې ډګر کې د ملګری ملتونه مختلفو سازمانونو لکه د خوړو نړیوال سازمان، د خوړو او کرنې سازمان، او کرنې پراختیا نړیوال صندوق سره کار کړی دی.
مخکې تر دې چې په افغانستان کې د ۲۰۲۱ کال په اګسټ میاشت کې کار وکړي، په اندونیزیا او ختیځ تیمور کې یې د همدې سازمان د موقت استازي په توګه دنده ترسره کړې ده.
تر دې مخکې هغه د منځني ختیځ او شمالي افریقا لپاره د خوړو او کرنې سازمان په سیمه ییز دفتر کې چې په قاهره کې موقعیت لري، د سیمه ییزې پالیسۍ د مشر او د ستر سلاکار په توګه دنده ترسره کړې ده. د هغه فعالیتونه تر ډېره د خوراکي توکو پرمسایلو متمرکز وو. نوموړي په سوریه کې د عمومي همغږي کوونکي او په سومالیا کې د دغه سازمان د استازي په توګه هم کار کړی دی.
ښاغلی ریچارډ په جنوبي سوډان، سوډان، لایبریا، پاکستان، سومالیا، سوریه او روانډا کې د ناڅاپي او پیچلي بیړنیو حالتونو په مدیریت او تنظیمولو کې دنده ترسره کړې او په ۳۰ هیوادونو کې یې د بشري مرستو له پروګرامونو هر اړخیز ملاتړ کړی دی. ښاغلی ریچارډ د لندن د کیمبرج پوهنتون څخه د دوکتورا سند لري.

مخکې، سټیفن د UNDP لایبیریا لپاره د استوګنې استازی په توګه دنده ترسره کړې او له دې مخکې، هغه د UNDP روانډا لپاره د استوګنې استازی و، چیرته چې هغه د څو کلونو لپاره د هیواد رییس په توګه هم دنده ترسره کړې. سټیفن په اندونیزیا کې د UNDP مرستیال مشر هم و. له 2005-2010 څخه، سټیفن د UNDP نیویارک په اجرایوي دفتر کې د مشاور په توګه دنده ترسره کړی. هغه د UNDP جمیکا کې د حکومتدارۍ او غربت څانګې مشر او د ویسټ انډیز په پوهنتون کې د سیاسي علومو په برخه کې وروسته له وخته استاد و. د UNDP سره د یوځای کیدو دمخه، سټیفن د جمیکا په حکومت کې مختلفې دندې ترسره کړي، د بیلګې په ډول ،د سیمه ایزی حکومتولی او د ټولنې پراختیا په وزارت کې د ټولنیزې پالیسۍ رییس، د جمیکا د ټولنیزې پانګې اچونې فنډ کې د پلان او پراختیا رییس، او د جمیکا پلان جوړونې انسټیټیوټ د عمومي رییس معاون په توګه دنده ترسره کړی.
سټیفن د هسپانیې په بارسلونا کې د IESE سوداګرۍ ښوونځي څخه په سوداګرۍ اداره کې ماسټري لري او په حکومت کې د فلسفې ماسټري او په نړیوالو اړیکو کې لیسانس (د لومړي ټولګي ویاړونه) د ویسټ انډیز ، جمیکا پوهنتون څخه.
هغه واده کړی او دوه لوڼې لري. هغه په انګلیسي او هسپانوي رواني خبرې کوي.

سوزان په ۲۰۱۷ کال کې د ملګرو ملتونو د ښځو سازمان سره د یوځای کېدو راهیسې د آسیا او آرام سمندر په سیمه کې د مشرتابه په رولونو کې دنده ترسره کړې ده. هغې نږدې شل کاله په سویلي افریقا، سلیمان ټاپوګانو، پاپوا نیو ګیني او هندوستان کې ژوند او کار کړې، چیرته چې هغې د ښځو د حقونو د پرمختګ لپاره د سیمه ایزو پراختیایي نوښتونو مشري یې کوله.

سوزان د بنسټیزو پراختیایي سازمانونو سره د ټولنیزو خدماتو د رامینځته کولو او اداره کولو پراخه تجربه لري. هغې په آسټرالیا کې په فدرالي، ایالتي او محلي حکومتونو کې په کار کولو سره، ټولنیزې پالیسۍ او پروګرامونه یې جوړ کړي دي.

مخکي لخ له دي چي په افغانستان کې خپل اوسني رول پیل کړي، هغې په هند کې د ملګرو ملتونو د ښځو د استازې په توګه دنده ترسره کوله.

سوزان، چې د آسټرالیا تابعیت لري، د نړیوال او ټولنیز پرمختګ په برخه کې د ماسټرۍ سند لري. هغه د څلورو لوڼو مور ده او د داسې نړۍ جوړولو ته ژوره ژمنه ده چې پکې د دوی غږونه - او د ټولو ښځو او نجونو غږونه - اوریدل کیږي، ارزښت ورکول کیږي او درناوئ یې کیږي.

ښاغلی پولیک اوکی سری، چې د کامبودیا تابعیت لري، په ۲۰۱۰ کال د ملګرو ملتونو د نشه يي توکو او جرمونو ادارې (UNODC) د عدليې په څانګه کې د جرمونو د مخنیوی او جرمونو د عدلي مسئول په توګه وټاکل شو.
لدی وروسته یې نایجیریا ته د پروګرام مدیریت مسئول (د ملاتړ ټیم مشر)، د فساد پروژې همغږیونکی او د انساني قاچاق د مبارزی پروژې همغږیونکی په توګه خدمت وکړ، وروسته له دې په بنګلدیش کې د جرمونو د مخنیوي او جرمونو د عدلي مسئول په توګه وګمارل شو، چې ورپسې یې د مرکزي افریقا جمهوریت ته د پروګرام همغږیونکي په توګه ولیږل شو.
له سپټمبر ۲۰۲۱ راهیسې، ښاغلی اوکی سری په ټریپولي، لیبیا کې د پروګرام همغږیونکی او د دفتر مشر په توګه وګمارل شو. ښاغلی اوکی سری په سختو شرایطو کې د ملګرو ملتونو د نشه يي توکو او جرمونو ادارې د تخنیکي مرستی پروګرامونو د پراختیا او وړاندی کول، د اړوندو همکار سازمانونو سره د همکارۍ او مشارکت د رامینځته کولو په برخه کی لازمې مرستې کړیدي.
د ملګرو ملتونو د نشه يي توکو او جرمونو ادارې سره د یوځای کیدو څخه مخکې، هغه په کامبودیا کې د نړیوال کار سازمان په دفتر کې د منځګړیتوب شورا د جوړولو مسئول په توګه دنده ترسره کوله.
ښاغلی اوکی سری د پاریس پوهنتون څخه د حقوقو په څانګه کې لسانس او ماسټری یی د پرمختللو نړیوالو زده کړوپه برخه کې د جان هاپکینز د پوهنتون څخه ترلاسه کړی دي.

ښاغلی تیتی هبیاکاری له اول اپرېل ۲۰۲۵ راهیسې په کابل کې د کار نړیوال سازمان (ILO) د افغانستان لپاره ریس ټاکل شوی دی. نوموړی د بلجیم څخه د نفوس‌ پېژندنې په برخه کې د ماسټرۍ سند او د رواندا څخه د احصایې په برخه کې پرمختللی دیپلوم لري ، او له شلو کلونو زیاته تجربه لري.
نوموړي د ILO سره په خپلو دندو کې د احصایې او نفوس ‌پېژندنې تخصصات د ILO په مرکزي دفتر (ژنو، سویس) او همدار از په سیمه ‌ییزو دفترونو کې کارولي، په شمول د تایلنډ، جنوبي افریقا، ایتوپیا، سینیګال او تانزانیا. نوموړی د ILO درې‌ اړخیزو شریکانو ته مشورې ورکړي، څو د مناسب کار شاخصونه رامنځته، خپاره او وکارول شي، او ترڅو د دوامدار پرمختګ د هدفونو او د غوره کار پروګرامونو د طرحې او څارنې لپاره مرسته وشي. نوموړي د ماشومانو د کار د له منځه وړلو نړیوال پروګرام (IPEC) او د کاري مهاجرت د څارنې لپاره د شاخصونو جوړولو برخه کې هم مهمه برخه ادا کړی.
د ILO نه مخکې، ښاغلي هبیاکاری د ملګرو ملتونو په ماموریتونو کې کار کړی، په کرواشیا (UNTAES) کې د ۱۹۹۶ څخه تر ۱۹۹۸، په کوزوو (UNMIK) کې د ۱۹۹۹ څخه تر ۲۰۰۲، او همدا راز د ملګرو ملتونو د کډوالو عالي کمیشنرۍ سره په ګینه کې د ۱۹۹۸ څخه تر ۱۹۹۹ کار کری.

صباح الدین سکوت له ۲۰۰۷ کال راهیسې د افغانستان د یونیتار پروګرام کوآرډینیټر او نماینده په توګه فعالیت کړی، چې په سیمه کې د پراختیا او جوړجاړي هڅو ته یې دوامداره ژمنتیا څرګنده کړې. د هغه د کاري ژوند پیل د بکورا موسسی او شرکت سره د ادارې او مالي چارو مسؤول او د افغانستان د علومو اکاډمۍ کې د بهرنیو چارو مسؤول په توګه و، چې د اداري او دیپلوماتیکي مهارتونو په بنسټ کې یې یو محکم بنسټ ایښی.
د کابل پوهنتون د اقتصاد پوهنځي له فارغ التحصیل سره په ۱۹۹۷ کال کې، ښاغلي سکوت د نړیوال اقتصاد، سازماني مطالعاتو او بدلون په برخه کې عمیق مسلکي شالید پاللی. هغه خپله زده کړه د هیروشیما پوهنتون کې د نړیوالې سولې کې د ماسټرۍ په درجه سره نوره هم پرمخ وړلې، چې د اقتصادي پرمختګ له لارې په سوله جوړونې کې تخصص لري، دا د هغه د سولې او شتمنۍ د ترویج لپاره د اقتصادي لارو څخه د ګټې اخیستلو ته ژمنتیا ښیې.
په خپل کاري ژوند کې، ښاغلي سکوت د پروژې ډیزاین، پلانول، حسابدارۍ، تقلب مخنیوي، زده کړې ډیزاین او چاپیریالي ستونزو کې د تصدیقونو سره خپله مهارت غني کړې، او وروسته د ATD ماسټر زده کړې ډیزاینر په توګه پیژندل شوی. دا کامیابي د زده کړې پروګرام ډیزاین او وړاندې کولو کې د هغه د ښه والي په برخه کې د هغه د ژمنتیا ټینګار کوي.
د افغانستان لپاره د یونیتار هیروشیما فیلوشپ کې د کار آموز په توگه د (۲۰۰۵)، او بیا د کوچ او استاز په توگه (۲۰۰۶-۲۰۰۷)، فعالیت کری ده. د نهو کالونو په موده کې د تګلارې او ستراتیژۍ په پراختیا کې د تجربې سره، هغه په پراخه کچه د شرکتونو، غیر دولتي سازمانونو، او کوچینی او منځنۍ سوداګرۍ ادارو سره همکاري کړې، چې د افغانستان د پراختیا او سولې جوړونې هڅو ته یې مهمه ونډه ورکړې.

ښاغلی عرفات جمال د ۲۰۲۴ کال د جولای له ۱۷ نیټې راهیسې په افغانستان کې د کډوالو لپاره د ملګرو ملتونو د عالي کمیشنرۍ (UNHCR) د دفتر د عمومي رییس په توګه ټاکل شوی دی. ښاغلي عرفات څه دپاسه درې لسیزې د UNHCR په مرکزي دفتر کې دنده ترسره کړې او د نړۍ په بیلا بیلو هیوادونو کې د UNHCR په دفترونو کې دندې ترسره کړې دي. په افغانستان کې تر ټاکل کیدو د مخه، نوموړي په ۲۰۲۳ کې د UNHCR د کډوالو نړیوالې مجمعې (GRF)، کوم چې د کډوالو لپاره یوه مهمه نړیواله څو اړخیزه مجمعه ده او د هغې له لارې د کډوالو او د کډوالو کوربه ټولنو لپاره له 2.2 ملیارد ډالرو څخه ډیر راټول شوي، د همغږي کوونکي په توګه دنده ترسره کړې ده.
مخکې، نوموړی په جنوبي سوډان کې د UNHCR دفتر عمومي رییس (۲۰۲۰ - ۲۰۲۲) او د بشري چارو همغږي کوونکي (۲۰۲۱) په توګه دنده ترسره کړې ده. د خپل ماموریت په جریان کې، هغه د جنوبي سوډان راستنیدونکو لپاره د هیلو ډالۍ (Pockets of Hope) په نوم یو نوښت ډیزاین او پلي کړی، او د اقلیم د سختو بحرانونو اغیزو کمولو لپاره یې بیړني او اټکل شوي اقدامات څارلي دي.

نوموړی په ۲۰۱۴ او ۲۰۲۰ کلونو کې یې د UNHCR په مرکزي دفتر کې د مشارکت او همغږۍ د څانګې د مشر په توګه دنده ترسره کړې ده. له ۲۰۱۲ څخه تر ۲۰۲۴ پورې، هغه د بین المللي ادارو د دایمي کمیټې د سکرټریت مشري کوله، کوم چې د بیړنیو مرستو همغږي کوونکي لاندې کار کاوه ترڅو د بشردوستانه ادارو ترمنځ نږدې همکاري یقیني کړي.

د هغه په نورو ماموریتونو کې په اردن کې د UNHCR په دفتر کې د مرستیال او موقت استازي (۲۰۰۸ - ۲۰۱۱) په توګه، په لیبیا کې د بیړني ټیم مشر (۲۰۱۱)، د منځني ختیځ او شمالي افریقا لپاره د بیا میشتیدنې پروګرام مشر (بیروت، ۲۰۰۵ - ۲۰۰۸)، او همدارنګه د UNHCR په مرکزي دفتر کې د پالیسۍ او اجرایوي څانګو مختلف مسؤلیتونه شامل دی. د هغه لومړی ساحوي ماموریت د افغانستان په هرات ولایت کې د UNHCR په دفتر کې و.

ښاغلي عرفات د انګلستان په اکسفورډ پوهنتون (د جبري مهاجرت په برخه کې ماسټري)، د امریکا کارنیل پوهنتون (د تاریخ، ښاري او سیمه ییزو مطالعاتو په برخه کې لیسانس) او د سویس په اکولینټ پوهنتون (IB) کې زده کړې کړې دي. هغه په انګلیسي او فرانسوي ژبو روانې خبرې کولای شي.

فارس حداد-زیرفوس د افغانستان لپاره د هېواد په کچه د نړیوال بانک رئیس دی. نوموړي له دې مخکې د مالدیو، نیپال او سریلانکا لپاره د هېواد په کچه رئیس په توګه کار کړی، چې په یادو هېوادونو کې یې له ۶ میلیارد ډالرو زیاته پورټفولیو مدیریت کړې، له مراجعینو سره یې د لوړې کچې پالیسي ډیالوګ مشري کړې او په یادو هېوادونو کې یې د مدیریت ټیمونو ته لارښوونې کړي دي. ښاغلی حداد-زیرفوس له دې مخکې د نیپال لپاره د نړیوال بانک د هېواد په کچه مدیر او په کوالالمپور کې د پوهې او څېړنې د نړیوال مرکز د مشر په توګه هم دندې سرته رسولې دي.

ښاغلي حداد-زیرفوس په ۱۹۹۶ کال کې د نړیوال بانک د خصوصي سکتور پراختیا برخې سره په کار پیل وکړ. نوموړي له (۲۰۰۰-۲۰۰۳) کال پورې د خلیج همکارۍ هېوادونو سره د تخنیکي همکارۍ پروګرام د مدیر په توګه کار کړی، له (۲۰۰۳-۲۰۰۵) کال پورې د عراق د ماموریت مشر په توګه، له (۲۰۰۵-۲۰۰۸) کال پورې په لویدیځه غاړه او غزه کې د عملیاتي مدیر په توګه، له (۲۰۱۱-۲۰۱۰) کال پورې په عملیاتي برخه کې د کمزورو هېوادونو لپاره د سرپرست رئیس په توګه او له (۲۰۱۲-۲۰۱۵) کال پورې د بولیویا لپاره د هېواد په کچه مدېر په توګه دندې ترسره کړي دي. ښاغلي حداد-زیرفوس په ۲۰۰۸ کال کې له نړیوال بانک څخه له دندې څخه د غیابت اجازه واخیسته ترڅو د منځني ختیځ د سولې پروسې لپاره د څلور اړخیز دفتر د مرستیال او په بیت المقدس کې میشت، د څلور اړخیزې ډلې استازي ټوني بلیر د اقتصادي سلاکار په توګه دنده ترسره کړي.

ښاغلی حداد-زیرفوس لومړنۍ ماسټري د جیورج میسن پوهنتون څخه په اقتصاد کې او دویمه ماسټري یې له جورج واشنګټن پوهنتون څخه په مالي برخه کې ترلاسه کړې ده. نوموړي بیلابیلې جایزې هم ترلاسه کړې دي چې له ډلې یې، د نړۍ د لومړنیو شنو صکوکو د پرمختیا لپاره د نړیوال بانک د مشر د وړتیا جایزه او همدارنګه د هغه تر واک لاندې ادارو کې د تنوع او شمولیت د پیاوړتیا لپاره د نامتو هانس بینسوانګر جایزه د بیلګې په توګه یادولای شو.

ښاغلی حداد-زیرفوس د امریکا متحده ایالاتو اوسېدونکی دی، واده یې کړی او دوه ماشومان لري

میرمن فیونا فریزر د اګست ۲۰۱۹ راهیسې په افغانستان کې د ملګرو ملتونو د بشري حقونو عالي کمیشنرۍ (OHCHR) استازې ده. هغه په افغانستان کې د ملګرو ملتونو مرستندویه ماموریت کې د بشري حقونو د مشرې په توګه هم دنده ترسره کوي. د دې ګمارنې دمخه، میرمن فریزر له ۲۰۱۵ څخه تر ۲۰۱۹ پورې په اوکراین کې د ملګرو ملتونو د بشري حقونو د څارنې ماموریت مشره وه. هغې په مرکزي آسیا کې د OHCHR لپاره د مرستیالې په توګه هم دنده ترسره کړې او د اروپا او مرکزي آسیا برخې پر بنسټ د OHCHR مرکزي دفتر مرستیاله وه. په بوسنیا هرزیګوینا، بیلاروس او فیلیپین کې د هغې اضافي بشري حقونو کار سره، میرمن فریزر په شخړه، بشردوستانه او پراختیایی ترتیباتو کې له ۲۵ کلونو ډیر مسلکي تجربه لري.

ښاغلی کوابینا اسانتی انتیامو په افغانستان کي د ملګرو ملتونو د وګړو صندوق استازی دی. مخکي له دغه پوست څخه، هغه د دغي اداري د استازي په توګه، په روانډا هیواد کي کار کاوه. نوموړی همدا ډول په مالیزیا و تایلند هیوادونو کي د ملګرو ملتونو د وګړو صندوق سرپرست مشر په توګه پاتي شوی دی. ښاغلي اسانتی انتیامو همدا ډول په افغانستان او کامرون هیوادونو کي د دغي اداري د مرسیتال په توګه دندي تر سره کړي دي.

ښاغلي کوابینا په سوله جوړني، بشري او پراختیا څانګو کي تر شلو کلنو ډیره تجربه لري. هغه په بوسنیا او هرزګووینا کي د ملګرو ملتونو سوله ساتي ماموریت، او د ملګرو ملتونو پراختیایي اداري سره یې دنده ترسره کړي. هغه د پیچلو نړیوالو مسئلو لپاره د سولی، بشري چارو او پراختیایې موضوعاتو اړوند مفکوري له ځانه سره راوړي دي.

ښاغلی کوابینا چي د غنا هیواد وګړی دی، خپله ماسټري یې په پراختیايې چارو کي د انګلستان هیواد بټ پوهنتون او لیسانس یې د سیاسي ټولنپوهني څانګي که د غنا پوهنتون څخه ترلاسه کړي. نوموړی همدا ډول فوق لیسانس اسناد د رهبری په څانګه د کلمبیا پوهنتون څخه لري.

اغلې می هیونګ پارک د اکتوبر له میاشتی را په دیخوا په افغانستان کې د مهاجرت له نړیوال سازمان (IOM) سره د ماموریت د مشرې په توګه یوځای شوی. په خپلو پخوانیو رولونو کې، هغې په ویتنام او د کوریا جمهوریت کې د IOM په دفترونو کې د ماموریت د مشرې په توګه دنده ترسره کړې، چیرته چې هغې د مهاجرت مدیریت، د سرحدونو مدیریت، د قاچاق سره مبارزه، او د مهاجرت روغتیا کې پراخه تجربه ترلاسه کړې، پداسې حال کې چې د منظم مهاجرت لپاره د لارو اسانتیا برابروي. . هغه چی ډیری یې د "میا" په نوم پیژنی، د IOM د خصوصي سکټور
په ګده ځینې لوی پروګرامونه هم رهبري او اداره کړي، چې د سوداګرۍ او بشري سکتورونو ترمنځ د همکارۍ په برخه کې مرسته کوي.

د IOM سره د یوځای کیدو دمخه، اغلې پارک د سامریټین پرس انټرنیشنل ریلیف لپاره کار کاوه، یوه نړیواله نادولتي موسسه، چیرې چې هغې د افریقا په فرعي سهارا کې د بشردوستانه مرستو او پرمختیایي پروژو پراختیا او ارزونه څارله. مخکې له دې، هغې دی کوریا په جمهوریت کې د روغتیا او ټولنیزو چارو لپاره د کوریا په انسټیټیوټ کې د مشری څیړونکي په توګه دنده ترسره کړې، د روغتیا او ټولنیز هوساینې په اړه یې د ملي پالیسیو سره مرسته کړې.

آغلې پارک د مهاجرت او پرمختیایي مسلو په پرمختګ کې اود بیړني غبرګون سیسټمونو په رامینځته کولو کې د هغې د ونډې په پیژندلو کې ډیری جایزې ترلاسه کړې، چی په هغی کی د کوریا جمهوریت د لومړي وزیر جایزه او د عامه خوندیتوب او امنیت د وزیر جایزه شاملی دی.
اغلې پارک د کوریا جمهوریت په سیول کې زیږیدلې، د هارورډ پوهنتون او اکسفورډ پوهنتون څخه د ساینس دوه ماسټرۍ لري، چیرې چې هغې د عامې روغتیا او شواهدو پر بنسټ ټولنیز مداخله او پالیسي مطالعه کړې.

نیک پوند د افغانستان لپاره د ملګرو ملتونو په مرستندویه پلاوی کې د ماین پاکۍ د څانګې رئیس دی، د ماین پاکۍ د بشري سکتور د همغږۍ د ملاتړ مسؤول دی، د چاودیدونکو مهماتو د خطر او د هغوي د اغیز ارزونې برابروي، او د بشري او پراختیایي نوښتونو په ملاتړ د خطر راکمونې تدابیر همغږي کوي. نوموړي د عمومي منشي د ځانګړې استازې مرستیال – استوګن او د بشري چارو همغږي کوونکي ته راپور ورکوي.

تر دغې ګمارنې پخوا نوموړی په افغانستان کې د هالو ټرسټ سازمان، چې په کابل کې د ماین پاکۍ یوه نړیواله نا دولتي اداره ده، د رئیس لوړ پوړی مشار و. نوموړی دغه راز د ۲۰۲۱ کال له اپریل څخه د ۲۰۲۲ کال تر اپریل پورې د یوناما لوړ پوړی نظامي مشاور و چې له افغانستان، قزاقستان او قطر څخه یې کار کاوه.

نیک له ۲۰۰۵ کال راهیسې په منظم ډول په افغانستان کې کار کوي او تل یې د اړمنو خلکو د ژوند د ښه کولو په پار هلې ځلې کړي. له هالو کاسټ سازمان سره تر کار کولو مخکې، نیک د انګلستان په پوځ د ۳۶ کلونو لپاره خدمت کړی، چې په لوړه کچه تاوتریخجنو چاپیریالونو کې یې د ټیمونو رهبري کړي چې د پایېدونکې سولې د بېرته راوستلو، ساتلو او رامنځ ته کولو لپاره یې کار کړی. نوموړي په سیپرس، شمالي ایرلند، بوسنیا، عراق، افغانستان او سوریا کې کار کړی.

نیک د انګلستان تبعه دی، له ایکسټر پوهنتون د لیسانس سند، له کرن فیلډ پوهنتون څخه په نظامي مطالعاتو کې د ماستري سند، د کینګ کالج لندن پوهنتون څخه د نړیوالو مشرانو لپاره په امنیتي او ستراتیژيکو زده کړو کې د لیسانس سند لري. نوموړی متاهل دی، دوه ماشومان لري، له لامبو وهلو، سنوبورډینګ، یولټیمیټ فریسبی او ډرم غږولو سره لوالتیا لري.