زموږ ټیم په افغانستان کښی

Indrika Ratwatte

ښاغلی اندریکا راتوت په

افغانستان کې د ملګرو ملتونو د مرستندویه پلاوي (یوناما) د ځانګړي استازي مرستیال، او همدارنګه میشت او د بشري چارو همغږی کوونکی دی
 
 
 
ښاغلی اندریکا راتوت په افغانستان کې د ملګرو ملتونو د مرستندویه پلاوي (یوناما) د ځانګړي استازي مرستیال، او همدارنګه میشت او د بشري چارو همغږی کوونکی دی.
ښاغلی راتوت د افغانستان او سیمه ایزو مسایلو په برخه کې له ۱۴ کالو زیاتې کاري تجربې په ګډون، په بشري چارو او ستونزمنو او بحراني حالاتو کې له ۳۰ کلونو زیاته کاري تجربه لري. نوموړي د لومړي ځل لپاره په ۱۹۹۲ زیږدیز کال کې په نږدې ختیځ کې د فلسطیني کډوالو لپاره د ملګرو ملتونو د بشري مرستو او کارونو ادارې (UNRWA) سره کار پیل کړ او په ۱۹۹۳ زیږدیز کال کې یې د کډوالو لپاره د ملګرو ملتونو عالي کمیشنرۍ (UNHCR) کې خپل کار ته دوام ورکړ. نوموړي په وروستیو کې د کډوالو لپاره د ملګرو ملتونو عالي کمیشنرۍ د آسیا او پاسفیک سیمه ایز دفتر د مشر او په پاکستان کې د کډوالو لپاره د ملګرو ملتونو عالي کمیشنرۍ د استازي په توګه دنده ترسره کړې ده. همدارنګه نوموړي د تانزانیا متحد جمهوریت او پاکستان کې د کډوالو لپاره د ملګرو ملتونو عالي کمیشنرۍ د مرستیال استازي په توګه کار کړی او له دې مخکې یې په تایلند، کورواشیا، چین او بوسنیا او هرزه ګونيا کې هم دندې ترسره کړې دي.
ښاغلي راتوت په نړیوالو چارو کې د امریکا متحده ایالاتو د کولمبیا پوهنتون کې ماسټري کړې او د انګلیسي او ټولنپوهنې په برخه کې یې د سريلانکا د کولمبو پوهنتون څخه د لیسانس سند ترلاسه کړی دی. همدارنګه نوموړی د سریلانکا په حقوق پوهنتون کې حقوقې وکیل هم دی.
Alison

الېسن ډیویدین

د ملګرو ملتونو د ښځو برخه
د ملګرو ملتونو د ښځو څانګې استازې
 
 
الېسن ډیویدین افغانستان کې ښځو لپاره د ملګرو ملتونو د ادارې مشره ده. نوموړي له ۲۰۱۷ تر ۲۰۱۹ مه پورې د «حکومتوالی، سولې او امنیت» کارپوه په توګه د دې ادارې د آسیا او اقیانوسیه په سیمه ییزې څانګه کې کار کړی دی. په دې دنده کې نوموړي د حکومتوالی، سولې او امنیت په چوکاټ کې د ۲۰ مېلیونو ډالرو په ارزښت د «افراطي تاوتریخوالي د مخنیوي، د انسان قاچاق او عدالت ته د لاسرسي» برنامې د پلي کېدو مسوولیت پرغاړه وه. همدارنګه، له ۲۰۱۳ تر ۲۰۱۷ مه پورې، مېرمن ډیویدین مرکزي څانګه کې د «سولې او امنیت» برخې د پالیسي کارپوه په توګه دنده ترسره کړي ده چې ډېری تمرکز یې پر انتقالي عدالت او د «افراطي تاوتریخوالي د مخنیوي» باندې و. نوموړي همدارنګه د «افراطي تاوتریخوالي» مخنیوي څانګې مشري هم پرغاړه دوه.
تر دې مخکې، مېرمن ډیویډین د بېلابېلو ادارو سره – لکه په کنګو دموکراتیک جمهوریت کې د انتقالي عدالت نړېوال مرکز، سومالیا کې د ملګرو ملتونو پراختیایي پروګرام ادارې، او آسترالیا کې د ګډوالو لپاره د خدمتونو او مشاورو ادارې سره کار کړی دی.
الېسن ډیویډین خپل لېسانس دوره یې د حکومتوالی برخه کې او د ماستری دوره یې د حقوقو په برخه کې په سدني پوهنتون کې پای ته رسولي دي. مېرمن ډیویډین د حقوقو په برخه کې له هارورډ پوهنتون څخه د ماستری سند ترلاسه کړی دی.
Antony Lamba

انتونی لمبا

د ملګرو ملتونو د استوګنځی پروګرام
دفتر سرپرست مشر
 
 
ښاغلی انتونی لمبا په افغانستان کی د ملګرو ملتونو )هبیتات( دفتر سرپرست مشر دی.نومو‌‌‌ړی د مځکی د مدیریت او ښاری پراختیا په برخه کی25 کلنه کاری تجربه لری .نوموړی د ملګروملتونو د هبیتات دفتر سره په 2006 کال کی یو ځای او خپله لمړی دنده یی د مځکی د مدیریت او حکومت داری په برخه کی تر 2009 کال پوری په سومالیا هیواد کی سرته ورسوله.
وروسته نوموړی د 2010 څخه تر 2012 کلونو پوری په جنوبی سوډان کی د هبیتات د دفتر د مشر په حیث او د مځکی د شخړو د مدیریت د پروګرام د مدیر په صفت دنده ترسره کړی ده.
او همدارنګه د 2013-2016 پوری د مځکی د پالیسی او ظرفیت لوړولوپه پروګرام کی د تخنیکی مشاور په توګه چی د لایبریا هیواد د ځمکو دکمیسیون ملاتړیی کاوه دنده ترسره کړی ده.
همدارنګه ښاغلی انتونی د 2014-2016 کلونو پوری د هبیتات د دفتر مشر په لایبریا هیواد کی دنده ترسره کړی او په 2016 کال کی په افغانستان کی د ښار د ټولو لپاره (City For All ) چی د افغانستان د حکومت د ښاری پروګرامونوڅخه یو مخکښ پروګرام چی د 2016 څخه پیل او تر 2021 کاله پوری یی دوام درلود د تخنیکی مشاور په توګه دنده ترسره کړی ده.
همداراز نوموړی د 2022 کال څخه را په دی خوا په افغانستان کی د ملګروملتونو (هبیتات) د پروګرامونو مشر او د 2023 کال د جولای د میاشتی څخه د هبیتات دفتر سرپرست په توګه دنده ترسره کوی.
ښاغلی انتونی لمبا د ملګروملتونو سازمان ته تر شاملیدو مخکی د 9 کلونولپاره د کینیا هیواد د تصفیی په وزارت کی د ځمکی د سروی کوونکی او د جیوګرافیک معلوماتی سیستم (GIS) د مشر په توګه دنده ترسره کړی ده . ښاغلی انتونی د هالنډ د نړیوال انستیتیوت څخه د جیومعلوماتی ساینس او ځمکی څارنی په برخه د MSc او نیروبی پوهنتون څخه د سروی په برخه کی د BSc سندونه ترلاسه کړی دی.
Anubha

انوبا سود

د مخدره توکو او جرایمو پر وړاندی د ملګرو ملتونو د مبارزی دفتر
دملګرو ملتونو د مخدره توکو او جرایمو پر وړاندې د مبارزې سازمان استازې (UNDOC)
 
 
اغلې انوباسود د ملګرو ملتونو د مخدره توکو او جرایمو پر وړاندې د مبارزې سازمان داستازې په توګه دنده ترسره کوي . هغه د بشري مرستو او پراختیایي پروګرامونو په برخه کې ۲۴ کلنه تجربه لري. اغلې انو باسود د یو شمیر ملي او نړیوالو سازمانونو لکه اکشن اید، اکسفام، د ډنمارک د کډوالو شورا په هند، منځنۍ اسیا، جنوبي اسیا او دختیځې افریقا په هیوادونو کې کار کړی دی. د نوموړې کارونه د غیر انتفاعي موسسو، دسوداګرۍ او خصوصي سکټور او حکومت ترمنځ د بدیل موډلونو او مشارکت په رامنځته کولو متمرکز وو، او هغې تل هڅه کړې چې د ډیرو زیان منونکو خلکو لپاره د دوامدار معیشت فرصتونو برابر کړي. اغلې سود دوه ماسټرۍ لري، یوه یې د لندن د سیاسي او اقتصادي علومو له پوهنتون څخه په ټولنیزې پالیسۍ او پلان جوړونه کې او بله یې په ټولنیزو چارو کې د ډهلي له پوهنتون څخه ترلاسه کړي دي.
Isabelle

ایزبیل موسارد کارلسن

د بشری مرستو د همغږۍ دفتر
د بشردوستانه چارو د همغږۍ دفتر (OCHA) استازی
 
 
ایزبیل موسارد کارلسن د جون ۲۰۲۱ کې د OCHA افغانستان سره یوځای شو. ایزبیل د ۱۹۸۷ راهیسې په بشري برخه کې بوخته ده. د هغې لومړۍ ساحوي تجربه په پاکستان کې د افغان کډوالو په کمپونو کې وه. هغې وروسته په افغانستان، کمبودیا، کینیا او سومالیا هیوادونو کې ۱۲ کاله کار وکړ. له هغه مخکې په کال ۱۹۹۹ کې یې په فرانسه کې د څلورو کلونو لپاره د سمو ټولنیز پاریس سره کار وکړ چې بیا یي د جنوري میاشت په کال ۲۰۰۵ کې د ACF سره کار شروع کړ.
په مارچ ۲۰۱۳ کې، اسابیل د سیمه ایز رییس پوست ته وده ورکړه او بیا د اګست ۲۰۱۶ څخه اپریل ۲۰۲۱ پورې د ACF- فرانسې لپاره د عملیاتی رییس و په توګه کار ترسره کړو.
Ramin Behzad

رامین بهزاد

د کار نړیوال سازمان
د کار د نړیوال سازمان استازی (ILO)
 
 
 
ښاغلی رامین بهزاد د ملګری ملتونه د کار په نړیوال سازمان کې د افغانستان لپاره د ستر همغږي کوونکي په توګه دنده ترسره کوي.
ښاغلي بهزاد د کار په نړیوال سازمان کې د خپل هیواد ایران استازېتوب کړی او له ۲۰۱۳ څخه تر ۲۰۲۰ پورې د کار په نړیوال کنفرانس او د حکومت د غړو په غونډو کې ونده اخیسته دی. دارنگه د کار په نړيوال سازمان کې د اسيا او ارام اوقیانوس د دولتي غړو د همغږي کوونکي په توګه هم دنده ترسره کړې ده
نوموړی له ۲۰۰۲ څخه تر ۲۰۱۳ کال پورې د ایران د احصایې په مرکز او د ایران د همکارۍ، کار او ټولنیزو چارو د وزارت په نورو مدیریتي بستونو کې هم دندې ترسره کړي دي.
ښاغلي بهزاد د تهران له علامه طباطبايي پوهنتون څخه د احصایې په برخه کې دوکتورا او د سویډن له لیوسیني پوهنتون او د تهران له بهشتي پوهنتون څخه د احصایې په برخه کې دوه ماسټرۍ لري.
Reza

رضا محمدي

د ملګرو ملتونو د سوداګرۍ او پراختیا کنفرانس
د سوداګرۍ او پراختیا په اړه د ملګرو ملتونو کنفرانس (UNCTAD) د پروګرام مسول
 
 
ښاغلی محمدي د برنامې او پروژې مدیریت مسلکي او پوه شخص دی چې د ماسټرۍ سند سره د مدیریت او معلوماتو سیسټمونو باندې متمرکز دی چې د جګړې وروسته هیوادونو کې د برنامې مدیریت کې اوږدمهاله تجربه او سیمه ایز پرمختګ او روابط لري. هغه په پروژ او برنامو سره په پراختیایی پروسو کې له ۲۵ کلونو ډیر کاري تجربه لري.
د UNCTAD سره یوځای کیدو دمخه، رضا د UNOPS سره کار کولو تجربه لري او د ملکي کارمند په توګه د حکومت کې هم د کار تجربه حاصله کړی.
Richard Trenchard

ریچارډ ترینچارډ

د کرنی او خوراکی توکو اداری
د کرنې او خوراکي توکو ادارې استازی (FAO)
 
 
 
ښاغلي ریچارډ ټرینچارډ په بشردوستانه، بحراني او پرمختیایي برخو کې ۲۵ کلنه تجربه لري. هغه د املاکو او شتمنۍ د سکتور متخصص دی او په دې برخه کې تخنیکي تجربه هم لري. هغه په دې ډګر کې د ملګری ملتونه مختلفو سازمانونو لکه د خوړو نړیوال سازمان، د خوړو او کرنې سازمان، او کرنې پراختیا نړیوال صندوق سره کار کړی دی.
مخکې تر دې چې په افغانستان کې د ۲۰۲۱ کال په اګسټ میاشت کې کار وکړي، په اندونیزیا او ختیځ تیمور کې یې د همدې سازمان د موقت استازي په توګه دنده ترسره کړې ده.
تر دې مخکې هغه د منځني ختیځ او شمالي افریقا لپاره د خوړو او کرنې سازمان په سیمه ییز دفتر کې چې په قاهره کې موقعیت لري، د سیمه ییزې پالیسۍ د مشر او د ستر سلاکار په توګه دنده ترسره کړې ده. د هغه فعالیتونه تر ډېره د خوراکي توکو پرمسایلو متمرکز وو. نوموړي په سوریه کې د عمومي همغږي کوونکي او په سومالیا کې د دغه سازمان د استازي په توګه هم کار کړی دی.
ښاغلی ریچارډ په جنوبي سوډان، سوډان، لایبریا، پاکستان، سومالیا، سوریه او روانډا کې د ناڅاپي او پیچلي بیړنیو حالتونو په مدیریت او تنظیمولو کې دنده ترسره کړې او په ۳۰ هیوادونو کې یې د بشري مرستو له پروګرامونو هر اړخیز ملاتړ کړی دی. ښاغلی ریچارډ د لندن د کیمبرج پوهنتون څخه د دوکتورا سند لري.
سټيفن روډريكس

سټيفن روډريكس

د ملګرو ملتونو پراختیایی پروګرام
د ملګری ملتونه د پراختیا پروګرام (UNDP) د استوګنې استازي
 
 
مخکې، سټیفن د UNDP لایبیریا لپاره د استوګنې استازی په توګه دنده ترسره کړې او له دې مخکې، هغه د UNDP روانډا لپاره د استوګنې استازی و، چیرته چې هغه د څو کلونو لپاره د هیواد رییس په توګه هم دنده ترسره کړې. سټیفن په اندونیزیا کې د UNDP مرستیال مشر هم و. له 2005-2010 څخه، سټیفن د UNDP نیویارک په اجرایوي دفتر کې د مشاور په توګه دنده ترسره کړی. هغه د UNDP جمیکا کې د حکومتدارۍ او غربت څانګې مشر او د ویسټ انډیز په پوهنتون کې د سیاسي علومو په برخه کې وروسته له وخته استاد و. د UNDP سره د یوځای کیدو دمخه، سټیفن د جمیکا په حکومت کې مختلفې دندې ترسره کړي، د بیلګې په ډول ،د سیمه ایزی حکومتولی او د ټولنې پراختیا په وزارت کې د ټولنیزې پالیسۍ رییس، د جمیکا د ټولنیزې پانګې اچونې فنډ کې د پلان او پراختیا رییس، او د جمیکا پلان جوړونې انسټیټیوټ د عمومي رییس معاون په توګه دنده ترسره کړی.
سټیفن د هسپانیې په بارسلونا کې د IESE سوداګرۍ ښوونځي څخه په سوداګرۍ اداره کې ماسټري لري او په حکومت کې د فلسفې ماسټري او په نړیوالو اړیکو کې لیسانس (د لومړي ټولګي ویاړونه) د ویسټ انډیز ، جمیکا پوهنتون څخه.
هغه واده کړی او دوه لوڼې لري. هغه په انګلیسي او هسپانوي رواني خبرې کوي.
Fiona

فیونا فریزر

OHCHR
د ملګرو ملتونو د بشري حقونو عالي کمیشنر دفتر (OHCHR) استازی
 
 
 
میرمن فیونا فریزر د اګست ۲۰۱۹ راهیسې په افغانستان کې د ملګرو ملتونو د بشري حقونو عالي کمیشنرۍ (OHCHR) استازې ده. هغه په افغانستان کې د ملګرو ملتونو مرستندویه ماموریت کې د بشري حقونو د مشرې په توګه هم دنده ترسره کوي. د دې ګمارنې دمخه، میرمن فریزر له ۲۰۱۵ څخه تر ۲۰۱۹ پورې په اوکراین کې د ملګرو ملتونو د بشري حقونو د څارنې ماموریت مشره وه. هغې په مرکزي آسیا کې د OHCHR لپاره د مرستیالې په توګه هم دنده ترسره کړې او د اروپا او مرکزي آسیا برخې پر بنسټ د OHCHR مرکزي دفتر مرستیاله وه. په بوسنیا هرزیګوینا، بیلاروس او فیلیپین کې د هغې اضافي بشري حقونو کار سره، میرمن فریزر په شخړه، بشردوستانه او پراختیایی ترتیباتو کې له ۲۵ کلونو ډیر مسلکي تجربه لري.
Zulu

لیونارد زولو

د مهاجرو چارو کښی د ملګرو ملتونو عالی کمیساری
د ملګرو ملتونو دکډوالو چارو دعالي کمیشنرۍ استازی (UNHCR)
 
 
ښاغلی لیونارد زولو د بشري حقونو او د کډوالۍ د قانون کارپوه دی چې له دوو لسیزو څخه زیات د کډوالو لپاره د ملګرو ملتونو د عالي کمیشنرۍ په مرکزي دفتر او ساحوي عملیاتو کې یې دنده ترسره کړې. نوموړي په افغانستان کې تر کار وړاندې د جنوبي افریقا په ۹ هېوادونو کې د دغه سازمان د استازي په توګه خدمت کړی دی.
هغه په UNHCR کې د سویلي افریقا لپاره د مرستیال، دسویس په جینیوا کې د افریقا د دفتر د پالیسۍ او حقوقي څانګې د مشر، د لندن او شمالي ایرلنډ لپاره د حقوقي چارو دکارپوه او په کینیا کې د داداب دکډوالو په کمپ کې د ساتنې د چارو د همغږي کوونکي په توګه دندې ترسره کړي دي. او همدارنګه د کوسوو او اریتریا په هیوادونو کې د بیړنيو حالاتو د مدیریت په برخه کې خدمت کړی دی.
ښاغلي زولو وړاندې تردې چې د مهاجرو چارو کښې د ملګرو ملتونو له عالي کمیشنرۍ سره کار وکړي، په خپل پلرني ټاټوبي زیمبابوې کې د هاني په حقوقي مرکز کې د وکیل په توګه کار کړی او له ۱۹۹۷ کال راهیسې د زیمبابوې د وکیلانو د کمیټې غړیتوپ هم لري. هغه د زمبابوې په پوهنتون کې د حقوقو له څانکې د لیسانس او د سویس له لوند پوهنتون څخه د نړیوالو حقوقو په برخه کې د ماسټرۍ سندونه ترلاسه کړیدي.
مارکس پوتزل

مارکس پوتزل

یوناما
د ملګرو ملتونو د سرمنشي د ځانګړي استازي مرستیال (سیاسي)
 
 
 
د ۲۰۲۲ کال د جون په ۱۷ نیټه ښاغلي مارکس پوتزل په افغانستان کې د ملګرو ملتونو د سر منشي د ځانګړي استازي د مرستیال په توګه دنده پیل کړه. هغه د ښاغلی انتونیو ګوتریش لخوا په دغه دنده وټاکل شو.
ښاغلی پوتزل د اته کلن ډیپلوماټیک ماموریت په ګډون د ډیپلوماسۍ او نړیوالو همکاریو په برخه کې له ۲۷ کلونو زیاته تجربه لري. هغه په دې وروستیو کې په افغانستان کې د جرمني د سفیر په توګه دنده ترسره کړې.
نوموړي د جرمني د بهرنیو چارو په وزارت کې په څو لوړ پوستونو کې کار کړی دی. له ۲۰۱۷ تر ۲۰۲۱ پورې د افغانستان او پاکستان لپاره د جرمنی د ځانګړي استازي په توګه، له ۲۰۱۴ څخه تر ۲۰۱۶ پورې د بحران دمدیریت دکمیشنر، له ۲۰۱۴ تر ۲۰۱۶ پورې په افغانستان کې د جرمنی د سفیر په توګه او له ۲۰۱۰ څخه تر۲۰۱۴ پورې د جرمني د بهرنیو چارو په وزارت کې د منځني ختیځ د مشر په توګه دنده ترسره کړې. دارنګه له ۲۰۰۶ تر ۲۰۰۹ کال پورې د جرمني د بهرنیو چارو د وزیر د ځانګړي مرستیال، له ۲۰۰۴ تر ۲۰۰۵ پورې په تهران کې د جرمني په سفارت کې د اقتصادي او سوداګرۍ د څانګې د مشر او له ۲۰۰۰ څخه تر ۲۰۰۴ په سنګاپور کې د جرمني سفارت د کلتوري څانګې د مشر په توګه دندې ترسره کړي دي.
په ۲۰۱۰ کال کې یې د جرمني د نړیوالو او امنیتي چارو د انستیتیوت د غړي په توګه د ایران او افغانستان پر اړیکو څیړنې کولې.
ښاغلی پوتزل په جرمني کې د برلین له همبولډ پوهنتون او د تاجکستان له دوشنبې پوهنتون څخه د فارسي او انګلیسي ژبو او ادبیاتو په برخو کې ماسټرۍ لري.
هغه په جرمني، انګلیسي، فارسي او دري ژبو روانې خبرې کوي.
Maria Moita

ماریا مویتا

د کډوالۍ نړیوال سازمان
په افغانستان کې د آی او ام د دفتر مشره
 
 
 
ماریا مویتا په افغانستان کې د آی او ام د دفتر مشره ده. له افغانستان څخه مخکې، ماریا د آی او ام د آسیا - آرام سمندر سیمه ایز دفتر مشره او د بیړنيو حالاتو مشره کارپوه وه، چې له 30 ډیر هیوادونه یی پوښلي.
برسیره پردې، هغې په هایټي، نیپال، پاکستان، فیلیپین، بنګله دیش، میانمار، ایران او اړوندو سیمو کې په پراخه کچه د بشري مرستو په برخه کې کار کړی دی. ماریا په مهندسۍ کې لیسانس او د پراختیایی مطالعاتو په برخه کې د ماسټرۍ سند لري.
Hsiaowei Lee

میرمن شا وې لي

د خوراک نړیوال پروګرام
په افغانستان کې د خوړو نړیوال پروګرام استازې او مشره (رئیسه)
 
 
 
مېرمن شا وې لي Hsiao-Wei Lee د ۲۰۲۳ کال په جنورۍ میاشت کې په افغانستان کې د خوړو نړیوال پروګرام د استازې او رئیسې په توګه دنده پیل کړه. له دې وړاندې، آغلې شا وې لي د پروګرام او عملیاتو (Operation) په برخه کې په افغانستان کې د خوړو نړیوال پروګرام د مرستیالې رئیسې په توګه دنده ترسره کوله.
میرمن شا وې لي تر هغو وړاندې په سویلي سوډان کې د خوړو نړیوال پروګرام، د پروګرام مسؤله او د یوې مودې لپاره په دغه هېواد کې د خوړو نړیوال پروګرام سرپرسته مرسیاله پاتې شوې ده.
میرمن شا وې لي دغه راز د خوړو نړیوال پروګرام په مرکزی دفتر د ایټالیا په روم ښار کې دنده ترسره کړې چېرته چې نوموړې له پروژه یي فعالیتونو څخه هېوادني ستراتیژیکو پلانونو ته د خوړو نړیوال پروګرام د فعالیتونو د لیږد او پلي کولو په برخه کې خپله ونډه ترسره کړې او په دې برخه کې یې د بنګلادیش، هند، اندونیزیا، لائوس، پاکستان او فیلپین په ګډون، ګڼ شمېر هېوادونو ملاتړ کړی دی.

د خوړوله نړیوال پروګرام سره د دندې تر پیل کولو دمخه، اغلې لی په سوډان او سویلي سوډان کې د USAID لپاره د شخړو کمولو او سولې رامینځته کولو په برخه کې کار کاوه. هغه په جګړه ځپلو سیمو کې د ستراتیژیکو همکاریو او عملیاتي برنامو د پلی کولو تجربه لري. هغه دغه راز په نیویارک، بیجینګ او لندن کې د Sullivan & Cromwell LLP شرکت سره د حقوقي وکیلې په توګه دنده ترسره کړې ده او د هارورډ پوهنتون څخه د حقوقو په برخه کې دوکتورا او د کالیفورنیا د برکلي پوهنتون څخه په سیاسي علومو کې د لیسانس سند لري.
Melinda Good

میلنډا ګوډ

د نړیوال بانک
نړیوال بانک استازی
 
 
میلنډا ګود په ۲۰۰۵ کې له نړیوال بانک سره یوځای شوه. د هغې وروستۍ دنده په پاکستان کې میشته د عملیاتي مدیره و.
هغې له دې مخکې د سویلي آسیا لپاره د لوی مشاور مدیریتي دنده درلوده، او همدارنګه په انډونیزیا او واشنګټن کې هم د لوړ پوړي مشاور دنده ترسره کړې. په نړیوال بانک کې د شاملیدو دمخه، میرمن ګوډ په نیویارک او سینګاپور کې خصوصي سکتور او مانیلا کې د آسیا پراختیایي بانک سره کار کړی. نوموړې له ۲۵ کلونو څخه ډیر عملیاتي او همکاری تجربه لرونکې او همدارنګه یي ۱۵ کاله په آسیا کې ژوند کول او کار کول دي.هغه د هارورډ او ډیوک پوهنتون څخه اسنادونه لري.
Nick

نیک پاند سی بی اي

یوناما
د ماین پاکۍ د څانګې رئیس
 
 
 
نیک پوند د افغانستان لپاره د ملګرو ملتونو په مرستندویه پلاوی کې د ماین پاکۍ د څانګې رئیس دی، د ماین پاکۍ د بشري سکتور د همغږۍ د ملاتړ مسؤول دی، د چاودیدونکو مهماتو د خطر او د هغوي د اغیز ارزونې برابروي، او د بشري او پراختیایي نوښتونو په ملاتړ د خطر راکمونې تدابیر همغږي کوي. نوموړي د عمومي منشي د ځانګړې استازې مرستیال – استوګن او د بشري چارو همغږي کوونکي ته راپور ورکوي.

تر دغې ګمارنې پخوا نوموړی په افغانستان کې د هالو ټرسټ سازمان، چې په کابل کې د ماین پاکۍ یوه نړیواله نا دولتي اداره ده، د رئیس لوړ پوړی مشار و. نوموړی دغه راز د ۲۰۲۱ کال له اپریل څخه د ۲۰۲۲ کال تر اپریل پورې د یوناما لوړ پوړی نظامي مشاور و چې له افغانستان، قزاقستان او قطر څخه یې کار کاوه.

نیک له ۲۰۰۵ کال راهیسې په منظم ډول په افغانستان کې کار کوي او تل یې د اړمنو خلکو د ژوند د ښه کولو په پار هلې ځلې کړي. له هالو کاسټ سازمان سره تر کار کولو مخکې، نیک د انګلستان په پوځ د ۳۶ کلونو لپاره خدمت کړی، چې په لوړه کچه تاوتریخجنو چاپیریالونو کې یې د ټیمونو رهبري کړي چې د پایېدونکې سولې د بېرته راوستلو، ساتلو او رامنځ ته کولو لپاره یې کار کړی. نوموړي په سیپرس، شمالي ایرلند، بوسنیا، عراق، افغانستان او سوریا کې کار کړی.

نیک د انګلستان تبعه دی، له ایکسټر پوهنتون د لیسانس سند، له کرن فیلډ پوهنتون څخه په نظامي مطالعاتو کې د ماستري سند، د کینګ کالج لندن پوهنتون څخه د نړیوالو مشرانو لپاره په امنیتي او ستراتیژيکو زده کړو کې د لیسانس سند لري. نوموړی متاهل دی، دوه ماشومان لري، له لامبو وهلو، سنوبورډینګ، یولټیمیټ فریسبی او ډرم غږولو سره لوالتیا لري.
Nicholas George

نیکولاس جیورج

د ملګرو ملتونو د پروژو د خدماتو دفتر
د هېواد په کچه عمومي رئیس او استازی
 
 
 
نوموړی د پرمختیایی او بشري ماموریتونو په ګډون په بیلابیلو برخو کې له ۲۰ کلونو زیاته کاري تجربه لري. ښاغلي جیورج د ملګرو ملتونو د پروژې خدمتونو اداره کې د لوړې کچې دندې ترسره کړي او په دې وروستیو کې یې د واشنګټن ډي سي د دفتر د مشر په توګه دنده ترسره کړې ده. همدارنګه نوموړی د میانمار د دفتر د رئیس او د ملګرو ملتونو د پروژې خدمتونو ادارې مرکزي دفتر کې د ګډو همکاریو د رئیس او د نړیوالو اړیکو د مشر په توګه دندې ترسره کړي دي. نوموړي د لندن د اقتصاد او سیاسي علومو په پوهنتون او په مانچستر پوهنتون کې خپلې زده کړې سرته رسولي دي.
Patricia McPhillips

پاتریشیا مک فیلپس

یونسکو
د یونسکو د کابل دفتر سرپرسته
 
 
 
آغلې پاتریشیا مک فیلپس د ۲۰۲۲ کال جنورۍ کې په افغانستان کې د یونسکو د سرپرستې په توګه دنده پیل کړه. تردې وړاندې آغلې مک فیلپس د ۲۰۱۹ – ۲۰۲۱ کال پوري په پاکستان او له هغه مخکي له ۲۰۱۵ – ۲۰۱۹ کال پوري په افغانستان کې د یونسکو د استازې او رئیسې په توګه دنده ترسره کړې ده.

د ملګرو ملتونو په چوکاټ کې آغلې مک فیلپس د ملګرو ملتونو د ښځو له ادارې (UN Women) سره د سترې تخنیکي سلاکارې په توګه په اذربایجان، ګرجستان، او ارمنستان کې دنده ترسره کړې ده. د دې ترڅنګ هغې د کډوالو له نړیوال سازمان (IOM) سره په کوسوو کې، د ملګرو ملتونو د مرستو او کار ادارې (UNRWA) سره د مرستیال رئیسې په توګه په سوریه کې، د یونیسف د ځانګړې استازې په توګه د فلسطین په اشغال شویو سیمو کې، د ملګرو ملتونو د مرستندویه ماموریت (UNAMI) سره د لوړې سیاسي مدیرې په توګه په عراق کې، او په افغانستان کې د ملګرو ملتونو د مرستندویه ماموریت (UNAMA) سره د پلان جوړونې او راپور ورکولو د لویې مدیرې په توګه کار کړی.

د هغې مسلکي تجربه یوازي پرمختیایي کارونو ته محدوده نه ده، بلکې هغې د سره صلیب او غیر دولتي سازمانونو سره، او همدارنګه د متحده ایالاتو د بهرنیو چارو وزارت سره په بشرپالو او خیریه برخو کې هم کار کړی دی.

هغه د بشر د حقونو د کړنلارې پربنسټ د اوږدمهاله او پېچلو بیړنیو حالتونو په موثره توګه د اداره کولو تجربه لري، لکه د ټولو لپاره په زده کړه کې بشپړ ګډون، د زده کړې بدیلې طریقې، اوږدمهاله زده کړه ییز فرصتونه، کلتوري حقونه، معلوماتو ته وړیا لاسرسی او د بیان ازادي.

آغلې مک فیلپس د مورهیډ د کانکورډیا کالج څخه په سیاسي علومو او تاریخ کې د هنرونو لیسانس او د سان فرانسسکو پوهنتون څخه په ښوونه او روزنه کې د هنرونو ماسټري هم لري.
Luo

ډاکټر لو ډاپینګ

د روغتیا نړیواله اداره
د روغتیا نړیوال سازمان (WHO) استازی
 
 
 
ډاکټر لوو ډاپینګ د ۲۰۲۰ میلادي کال د مارچ میاشت کې په افغانستان کې د WHO د استازي په توګه وټاکل شو.
هغه د ۲۰ کلونو راهیسې د نړیوال عامې روغتیا په برخه کې کار کوي، د ساري ناروغیو مخنیوي او کنټرول، د روغتیا امنیت لپاره د هیواد ظرفیت لوړولو، د روغتیا سیسټم پیاوړي کولو، په ځانګړي توګه د روغتیا پاملرنې لومړني کچې، او په پیچلي بیړني حالتونو کې د ښه مدیریت او رهبری لري او د بشردوستانه روغتیا غبرګون همغږي کول.
په افغانستان کې د WHO سره یوځای کیدو دمخه، ډاکټر لو د ۲۰۱۷ او فبروري ۲۰۲۱ کال ترمینځ نږدې څلور کاله په پاپوا نیو ګینا کې د WHO استازي په توګه دنده ترسره کړې.
Kwabena Asante-Ntiamoah

کوابینا اسانتی انتیامو

د ملګرو ملتونو د جمیعت صندوق
د ملګرو ملتونو نفوس صندوق (UNFPA) استازی
 
 
 
ښاغلی کوابینا اسانتی انتیامو په افغانستان کي د ملګرو ملتونو د وګړو صندوق استازی دی. مخکي له دغه پوست څخه، هغه د دغي اداري د استازي په توګه، په روانډا هیواد کي کار کاوه. نوموړی همدا ډول په مالیزیا و تایلند هیوادونو کي د ملګرو ملتونو د وګړو صندوق سرپرست مشر په توګه پاتي شوی دی. ښاغلي اسانتی انتیامو همدا ډول په افغانستان او کامرون هیوادونو کي د دغي اداري د مرسیتال په توګه دندي تر سره کړي دي.

ښاغلي کوابینا په سوله جوړني، بشري او پراختیا څانګو کي تر شلو کلنو ډیره تجربه لري. هغه په بوسنیا او هرزګووینا کي د ملګرو ملتونو سوله ساتي ماموریت، او د ملګرو ملتونو پراختیایي اداري سره یې دنده ترسره کړي. هغه د پیچلو نړیوالو مسئلو لپاره د سولی، بشري چارو او پراختیایې موضوعاتو اړوند مفکوري له ځانه سره راوړي دي.

ښاغلی کوابینا چي د غنا هیواد وګړی دی، خپله ماسټري یې په پراختیايې چارو کي د انګلستان هیواد بټ پوهنتون او لیسانس یې د سیاسي ټولنپوهني څانګي که د غنا پوهنتون څخه ترلاسه کړي. نوموړی همدا ډول فوق لیسانس اسناد د رهبری په څانګه د کلمبیا پوهنتون څخه لري
Yuki

یوکي ټیکاموټو

د ایډز پر وړاندی د ملګرو ملتونو مشترک پروګرام
د اچ‌آی‌وی/ایدز په اړه د ملګرو ملتونو برنامه (UNAIDS) استازی
 
 
 
یوکي ټیکاموټو په ملګرو ملتونو کې په پاکستان کې د UNAIDS لپاره د هیواد مشر په توګه شامل شو.
هغه په پراختیایی همکارۍ کې شل کاله تجربه لري، چې له دې جملې څخه د نړیوال، سیمه ایز او هیواد په کچه د روغتیا، اچ‌آی‌وي او دوامداره پراختیا لپاره د پنځلس کلونو مخکښ پالیسي، برنامې او ستراتیژیک ملګرتیاوې دي.
اغلې ټیکاموټو له جاپان څخه ده او د میشیګان پوهنتون څخه د عامه پالیسۍ ماسټر او د کیوټو پوهنتون څخه د حقوقو لیسانس لري.