ملګري ملتونه په افغانستان کې

د کوویډ-۱۹ کړکیچ ته د حکومت ځواب کې د ملګرو ملتونو مرستې برخې په توګه، د ملیونونو ارزښت لرونکي طبي توکي او وسایل اخیستل شوي او  حکومت ته سپارل شوي؛ او همدارنگه د کوویډ-۱۹ ازموینې څانگې  په څو میاشتو کې جوړې شوي.

د ۲۰۲۰ میلادي کال د جنوري میاشت څخه تر جون میاشتې اخر پورې په ټول هیواد کې د کوویډ-۱۹ له امله کرځبند محدودیتونه لګیدلې وو، اما ملګرو ملتونو پروګرامونو څخه بیا هم ۴.۵ میلیونه ګټه اخیستونکي درلودل، چې ۶۵،۹۰۰ میټریک ټن خوراکي توکي وویشل شو او ۷.۷ میلیونه امریکايي ډالر په نغدي توګه د کورنیو سره مرسته وشوه تر څو د خپلو خوړو وړ ضروریات پوره کړي.

حکومت او مدني ټولنې ته د ملګرو ملتونو ملاتړ د ماشومانو د ساتنې قانون او د حکومت لخوا د میراث او مالکیت کې د میرمنو حقونو لوړولو لپاره د پالیسیو تصویب له لارې ، د ولسمشر فرمان له مخې ، نهایی کولو او اعلان کې مرسته کړې.

د ملګرو ملتونو له تخنیکي مشورې سره، حکومت د اقلیم بدلون په اړه د ملګرو ملتونو چوکاټ کنوانسیون (UNFCC) لاندې د افغانستان لومړی دوه کلن تازه راپور چمتو کړ، چې د هیواد د شنو خونو ګازونو اخراج توضیح کوي او د اقلیم بدلون کې د هغې د مرستې کمولو لارې چارې په ګوته کوي.

له ۵.۳ میلیونه څخه زیات افغان کډوال له ۲۰۰۲ کال راهیسې بیرته خپل هیواد ته ستانه شوي دي. ملګري ملتونه د دوی راستنیدو او دوامداره یوځای کیدو په اړه د حکومت د هڅو ملاتړ کوي. یوازې په ۲۰۱۹ کې، نږدې یو ملیون خلکو (بیرته راستنیدونکو، داخلي بیځایه شوي یا IDPs، او د کوربه ټولنې غړو) ته د خپلې ټولنې له لارې لومړني خدماتو ته ښه لاسرسی ورکړل شوی.

ملګري ملتونه د تعلیم په اړه د حکومت لیدلوري ملاتړ کوي لکه څنګه چې د ملي تعلیم ستراتیژیک پلان (۲۰۱۷ – ۲۰۲۱) کې ټاکل شوي. د لومړني ښوونځي زده کونکو شمیر په ۲۰۰۲ کې له یو ملیون څخه ډیر شوی چې تر نن ورځې   پورې ۹.۶ ملیون ته رسیدلی، که څه هم اټکل شوي ۳.۵  ملیونه ماشومان له ښوونځي بهر پاتې دي.